ცნობილია გავლენიანი გამოცემა GOAL.COM გვთავაზობს იმ დიდი ფეხბურთელების სიას, რომლებიც 2026 წლის მსოფლიო ჩემპიონატზე ვერ ითამაშებენ.
სიაში მოხვდნენ კრისტიან ერიკსენი, ჯანლუიჯი დონარუმა, ვიქტორ ოსიმენი, დომინიკ სობოსლაი, ალექსის სანჩესი, პიერ-ემერიკ ობამეიანგი და პსჟ-ს ქართველი შემტევი ხვიჩა კვარაცხელია.
"საქართველოს ნაკრები ევრო 2024-ზე ერთ-ერთი ყველაზე დიდი მოულოდნელობა იყო. ხვიჩა კვარაცხელიამ ნაკრების 1/8 ფინალში გასვლაში მთავარი როლი ითამაშა, თავისი ტექნიკითა და დაუღალავი შრომით.
მსოფლიო ჩემპიონატის შესარჩევ ეტაპზე კვარაცხელიამ 2 გოლი გაიტანა, თუმცა საქართველოს ნაკრებმა ჯგუფში მხოლოდ ერთი მატჩი მოიგო და ასპარზობა წარუმატებლად დაასრულა.
გუნდის მთავარ მწვრთნელს ვილი სანიოლს თავიდან მოუწია მუშაობა, რათა ნაკრებისთვის თავდაჯერებულობა გაეზარდა, რადგან საქართველოს ნაკრებში არ არიან სხვა მოთამაშეები, რომლებსაც კვარას დონეზე თამაში შეუძლიათ", - წერს Goal.
