რუმინეთის ნაკრების მცველმა, რადუ დრაგუშინმა საქართველოს ეროვნულ გუნდთან მოახლოებული მატჩის შესახებ ისაუბრა. შეგახსენებთ, რომ ამხანაგური შეხვედრა გაიმართება 2 ივნისს, ჩვენი დროით 21:00 საათზე.
"მატჩის წინ, განვიხილეთ საქართველოს ნაკრების თამაშის სტილი, ტაქტიკა და პრესინგის მეთოდები. სიმართლე გითხრათ, კონცენტირებულები ვართ უფრო საკუთარ თავებზე და არა მოწინააღმდეგეზე. გვყავს ახალი მწვრთნელი, რომელთან ერთადაც ახალი ეტაპი დავიწყეთ. ვცდილობთ მალე მოვერგოთ მის ხედვებს.
დიახ, ეს ამხანაგური მატჩია, თუმცა არ გვაქვს იმის შეგრძნება, რომ სეზონი დასრულდა. პირიქით, ყველაფერს ახლა ვიწყებთ. კვარაცხელელია? ვიცი, რომ ის არ ითამაშებს, რადგან ცოტა ხნის წინ, ჩემპიონთა ლიგის ფინალში იასპარეზა და ახლა მას დამსახურებული დასვენება აქვს", - განაცხადა რუმინელმა უკანახაზელმა.
