საქართველოს ხელბურთელთა ეროვნულმა ნაკრები გერმანიაში მიმდინარე ევროპის ჩემპიონატზე ჯგუფური ეტაპის ბოლო მატჩში ბოსნია-ჰერცეგოვინას დაუპირისპირდა და დაძაბულ ბრძოლაში 22:19 მოიგო. ეს გამარჯვება საქართველოსთვის ისტორიულია, რადგან ჩვენმა ხელბურთელებმა პირველად იასპარეზეს ევროპირველობაზე და პირველი გამარჯვება იზეიმეს.
ქართველთაგან ყველაზე მეტი , 7 გოლი გიორგი ცხოვრებაძემ გაიტანა. მატჩის საუკეთესო მოთამაშე კი ჩვენი გუნდის მეკარე ზურაბ ცინცაძე გახდა.
ტიტე კალანდაძის გაწვრთნილმა საქართველოს ნაკრებმა სადებიუტო ევროპირველობაზე 3 მატჩი ჩაატარა 1 მოიგო და 2 წააგო. ჩვენი გუნდი ნიდერლანდებთან 29:34 დამარცხდა, მეორე შეხვედრა კი ტურნირის მოქმედ ჩემპიონთან, შვედეთის ნაკრებთან 26:42წააგო.
საქართველოს ხელბურთელთა ეროვნულმა ნაკრებმა ევროპის ჩემპიონატზე ბოსნია-ჰერცეგოვინას მოუგო
