საქართველოსთვის ისტორიული შედეგი დააფიქსირა ნიკო მაისურაძემ, რომელმაც CrossFit Games-ის მსოფლიო ფინალში გასვლა შეძლო.
მსოფლიოს ყველაზე პრესტიჟული ჩემპიონატი, სადაც პლანეტის უძლიერესი ადამიანები „მსოფლიოში ყველაზე სპორტული“ (Fittest on Earth) ათლეტის ტიტულისთვის იბრძვიან, წელს 24-25-26 ივლისს, კალიფორნიაში, ქალაქ სან ხოსეში ჩატარდება.
შეჯიბრებაზე 415 000 მონაწილე იასპარეზებს, მათ შორის ერთი ქართველი, ნიკო მაისურაძეა.
დისციპლინა, გამძლეობა და მიზნისკენ სწრაფვა ნიკო მაისურაძის წარმატების ფორმულაა. 2021 წლიდან დღემდე, თავდაუზოგავი მუშაობისა შედეგად, ქართველმა ათლეტმა საგრძნობლად გააუმჯობესა მაჩვენებლები და ამჟამად ქროსფიტის საერთაშორისო ორგანიზაციის რეიტინგში მსოფლიო მასშტაბით მე-5 ადგილს იკავებს.
ნიკო საქართველოს ერთ-ერთი გამორჩეული ათლეტია, რომელიც ბოლო წლების განმავლობაში სტაბილურად და წარმატებით ასპარეზობს საერთაშორისო ტურნირებზე.
სან ხოსეს მთავარ არენაზე გასვლამდე, ნიკო მაისურაძე ესპანეთში გაემგზავრება, სადაც სპეციალურ საწვრთნელ შეკრებას გაივლის.
კალიფორნიის ფინალში ქართველი სპორტსმენი მსოფლიო ქროსფიტის ისეთ ლეგენდებსა და წამყვან ათლეტებს შორის იასპარეზებს, როგორებიც არიან ჯეისონ ჰოპერი (Jayson Hopper) და ჯეიმს სპრეიგი (James Sprague).
ნიკო მაისურაძე მსოფლიოს ჩემპიონატზე ამაღლებული განწყობითა და დიდი მოტივაციით მიდის, მისთვის ახლა ყველაზე მნიშვნელოვანი გულშემატკივრის მხარდაჭერაა.
![[VIDEO] პეპს უფრო და უფრო ემსგავსება - მარესკამ გუარდიოლასგან კიდევ ერთი თვისება აიღო](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FUXKewH8qSoOsPv8uyjZZEsG9OoCHiwgY.png&w=3840&q=75)
