13-წლიანი პაუზის შემდეგ, საქართველოს 20-წლამდელთა შორის თავისუფალ ჭიდაობაში მსოფლიოს ჩემპიონი ჰყავს.
სლოვაკეთის დედაქალაქ ბრატისლავაში მიმდინარე შეჯიბრებაზე სანდრო ყურაშვილმა 20 წლამდელთა შორის მსოფლიოს ჩემპიონობა იზეიმა.
თავისუფალი სტილით მოჭიდავემ 92კგ-ის ფინალში ირანელ აბოლფაზი რაჰმანი ფიროუზი 4-2 დაამარცხა და ოქროს მედალს დაეუფლა.
1/8-ფინალში ყურაშვილმა ამერიკელ ჯეიმს მერლი მასნის 6:2, 1/4-ფინალში რუს არტურ ტოგოევს 16:6 მოუგო, ხოლო ნახევარფინალში ყაზახი ბეიბერის ვერგალი 6:1 დაამარცხა.
ქართველი თავისუფალი სტილით მოჭიდავეებისთვის ეს პირველი მედალია მიმდინარე შეჯიბრებაზე.
