სანდრო ტონალი ნიუკასლ იუნაიტედიდან ტოტენჰემში გადავიდა. აღსანიშნავია, რომ ამ ტრანსფერით რამდენიმე რეკორდი დამყარდა. ეს გარიგება ლონდონელებს დაუჯდათ 108 მილიონი ევრო, რითაც მილანის ექს-შუახაზელი ყველაზე ძვირადღირებული იტალიელი მოთამაშე გახდა. მან თავისივე მიღწევა მოხსნა.
დიახ, აქამდე, ყველაზე ძვირადღირებული აპენინური ტრანსფერი იყო "სკუადრა აძურას" რვიანის "როსონერიდან" "კაჭკაჭებში" გადასვლა, 67.1 მილიონად. ამის გარდა, 26 წლის შუახაზელი არის ყველაზე ძვირადღირებული იტალიელი მოთამაშე, რომელშიც ჯამურად ყველაზე დიდი თანხაა გადახდილი.
ტონალიმ 194.3 მილიონ ევროთი გადაასწრო მატეო რეტეგის, ვის სანაცვლოდაც 109.9 მილიონი არის გადახდილი. ამის გარდა, თავის ისტორიაში ყველაზე ძვირადღირებული გარიგება განახორციელეს "მამლებმა", 108 მილიონად, იტალიელ შუახაზელზე ძვირადღირებული აღნიშნულ კლუბში არავინ ყოფილა.
სანდროს შემდეგ მოდის მატეუს ფერნანდესი, ვინც ჰოტსპურ სთეიდიუმის ბინადრებმა ასევე ბოლო პერიოდში გაიფორმეს. რაც შეეხებათ "ჯორდების" ყველაზე ძვირად გაყიდულ მოთამაშეებს, "დიაბოლოს" ექს-შუახაზელი მე-2 პოზიციაზე და მას უსწრებს მხოლოდ ალექსანდერ ისაკი, რომელიც გასულ წელს ლივერპულში 145 მილიონად იქნა გასხვისებული.
