"წითლების" ლიდერმა 349 შეხვედრაში 211 გოლის შეგდება მოახერხა. მასზე მეტი თამაში ლეგენდარული მწვრთნელის ხელმძღვანელობით ჩატარებული აქვს მხოლოდ რობერტო ფირმინოს, 355. საინტერესოა ის, რომ 2017 წლის ზაფხულში, "ფარაონი" მერსისაიდელთა დამრიგებლის ნომერ პირველი სატრანსფერო არჩევანი არ ყოფილა.
57 წლის მწვრთნელი იხრებოდა იულიან ბრანდტის ტრანსფერისკენ, მაშინ, როდესაც რომას იმდროინდელი მე-11 ნომრის გადმობირება "სქაუზერების" დირექტორთა საბჭოს ინიციატივა იყო. საბოლოოდ ყველაფერი დასრულდა იმით, რომ კლოპს მოუწია გერმანელ ვინგერზე უარის თქმა და ენფილდელთა თამაშის სალაჰის გარშემო აწყობა.
