ეროვნული ლიგის მე-20 ტურის ცენტრალური შეხვედრა თბილისში შედგა, სადაც ერთმანეთს რუსთავი და ქუთაისის ტორპედო დაუპირისპირდნენ.
შეხვედრის მე-12 წუთზე რუსთაველები ლეგიონერმა ჟან სოუზა დე ალმეიდამ დააწინაურა, მასპინძლებმა პირველი ტაიმი ბოლომდე მიიყვანეს.
იმერული კლუბი ვერც მეორე ტაიმში ფლობდა უპირატესობას და მომენტებს ვერ ქმნიდა. პირიქით, უფრო მეტი მომენტი რუსთავს ჰქონდა, თუმცა ტორპედოს მეკარე ოთო გოშაძე მოწოდების სიმაღლეზე იყო.
საბოლოოდ, რუსთავმა უშუალო კონკურენტი 1:0 დაამარცხა და 35 ქულით სატურნირო ცხრილს სათავეში ჩაუდგა, თუმცა იბერიას ერთი მატჩით ნაკლები აქვს.
