თურქეთის სუპერლიგის მე-6 ტურის კიდევ ერთი მატჩი სტამბოლში გაიმართა, სადაც ქასიმფაშა ჩემპიონატის ერთ-ერთ ლიდერს ფენერბაჰჩეს დაუპირისპირდა. მაყურებელმა საკმაოდ დაძაბული და სანახაობრივი დაპირისპირება იხილა, სადაც გუნდებმა ქულები გაიყვეს. მატჩი საბოლოო ჯამში 1-1 დასრულდა.
შოთა არველაძის გუნდმა ახალი სეზონი 3-მატჩიანი წაგებათა სერიით დაიწყო, თუმცა მას შემდეგ, ქასიმფაშა აღარ აგებს. ქართველის მიერ გაწვრთნილმა გუნდმა ბოლო 3 მატჩიდან ერთი მოიგო, ხოლო ორი ფრედ დაასრულა, რითაც გასავარდნი ზონიდან ამოსვლა მოახერხა და 5 ქულით, მე-12 პოზიციამდე აღზევდა.
''რთული კვირა იყო, რადგან მარტივი არ არის სამი მატჩის ერთ კვირაში ჩატარება. გუნდის ყველა წევრს მადლობას ვუხდი, მაგრამ ჯერ არაფერი დასრულებულა, სეზონი ახლა დაიწყო.
ფენერბაჰჩესთან ეს შედეგი დავიმსახურეთ. ვულოცავ ჩემს ფეხბურთელებს მნიშვნელოვანი ქულის მოპოვებას", - შოთა არველაძე.
