ამერიკის შეერთებული შტატების ნაკრების მთავარმა მწვრთნელმა, მაურისიო პოჩეტინომ რამდენიმე კომპონენტისგან იდეალური ფეხბურთელი შეკრა. არგენტინელმა თავკაცმა გაიხსენა ისეთი გამორჩეული მოთამაშეები, როგორებიც არიან: დიეგო მარადონა, რონალდინიო გაუჩო, ლეო მესი და ლუკა მოდრიჩი.
დაკვირვებულმა გულშემატკივრებმა შეამჩნიეს, რომ აშშ-ს ნაკრების მწვრთნელს კრიშტიანუ რონალდუ არცერთ კომპონენტში არ დაუსახელებია. ეს ფაქტი არ მოეწონა ქომაგთა გარკვეულ ნაწილს, მაგრამ არგენტინის ეროვნული გუნდისა და ბარსელონას ფანები ნამდვილად კმაყოფილები დარჩებოდნენ.
მარჯვენა ფეხი: რონალდინიო გაუჩო;
მარცხენა ფეხი: დიეგო მარადონა ან ლიონელ მესი;
სისწრაფე: კილიან მბაპე;
სიძლიერე: ჰარი კეინი;
საფეხბურთო ინტელექტი: მარკო ვერატი;
ხასიათი: ლუკა მოდრიჩი.