მსოფლიო ფეხბურთის გამორჩეულმა მოთამაშეებმა კრიშტიანო რონალდუმ და ლეო მესიმ 2026 წლის მსოფლიო ჩემპიონატზე თავიანთი სიტყვა უკვე თქვეს, კრიშტიანომ 2, ხოლო მესიმ 5 გოლი გაიტანა.
მოგეხსენებათ, ეს ორივე ფეხბურთელისთვის ბოლო მუნდიალია და მათი მიზანი თავიანთი სანაკრებო კარიერის ტრიუმფით დასრულებაა.
აღსანიშნავია, რომ შესაძლოა, პორტუგალია და არგენტინა ერთმანეთს მალევე შეხვდნენ. ორიდან ორი დამაჯერებელი გამარჯვებით არგენტინამ ჯგუფში პირველი ადგილი გაინათდა.
ხოლო თუ პორტუგალიის ნაკრები ბოლო ტურში კოლუმბიას დაამარცხებს და ჯგუფში პირველ ადგილზე გავა, პოტენციურად, არგენტინა და პორტუგალია ერთმანეთს 1/4 ფინალურ ეტაპზე შეხვდებიან.
ხოლო თუ პორტუგალიის ნაკრები ჯგუფში მეორე ადგილს დაიკავებს და არგენტინაც და პორტუგალიაც ფინალამდე წარმატებით მივლენ, ვიხილავთ ისტორიულ ფინალს - მესი რონალდუს წინააღმდეგ.
