პსვ ეინდჰოვენის ყოფილმა თავდამსხმელმა, ერიკ მეიერმა რონალდო ნაზარიოს გვერდით გატარებული პერიოდი გაიხსენა. ვეტერანმა შემტევმა აღნიშნა, რომ 17 წლის ასაკში არავინ ყოფილა ისეთი ცივსისხლიანი ფინიშერი, როგორიც ბრაზილიელი ფორვარდი იყო. შეგახსენებთ, რომ ერედივიზიაში გატარებული ორი სეზონის მანძილზე, "ფერმერთა" ფორვარდმა 57 მატჩში 54 ბურთი გაიტანა.
"მახსოვს დღე, როდესაც პსვ-ს ბაზაზე გამოჩნდა პატარა ბიჭი დიდი კბილებით. არაფერი ვიცოდით რონალდოს შესახებ, თუმცა მან ბურთთან პირველივე შეხებით გაგვაოგნა. ნაზარიოს თამაში აფეთქებას ჰგავდა. მას ჰქონდა წარმოუდგენელი მოძრაობები და ასეთი ცივსხისხლიანი ფინიშერი 17 წლის ასაკში ნამდვილად არავინ ყოფილა", - იხსენებს ყოფილი ნიდერლანდელი ფორვარდი.
შეგახსენებთ, რომ ეინდჰოვენში გატარებული ორი სეზონის შემდეგ, ბრაზილიელი თავდამსხმელი გადავიდა ბარსელონაში, სადაც პირველ და როგორც მოგვიანებით აღმოჩნდა ბოლო სეზონში 49 მატჩში 47 ბურთი გაიტანა. შემდეგ კი იყო ტრანსფერი მილანის ინტერში, ოქროს ბურთი და ტრავმები.