ლეგენდარული რონალდინიო გაუჩო ფეხბურთში დაბრუნდა და სერია C-ს ბინადარ, რავენას შეუერთდა. რა უნდა ვიცოდეთ ამ ტრანსფერის შესახებ და როდის შედგება ბრაზილიელი ფლეიმეიქერის დებიუტი? თავად ვეტერანის მოთხოვნით, ის არ გადის საზაფხულო შეკრებას ემილია-რომანიელებთან ერთად და ბარსელონას ყოფილი გამთამაშებელი არც ყოველდღიურ ვარჯიშებს ესწრება.
ცნობილია მხოლოდ ის, რომ ბრაზილიის ნაკრების ყოფილმა ათიანმა უნდა ჩაატაროს მინიმუმ ერთი მატჩი "წითლების" მაისურით და აუცილებლად საშინაო სტადიონზე. გეგმა ასეთია: "ჯადოქარი" მოედანზე გამოვა რამდენიმე წუთით და შესაძლოა მას მიანდონ ჯარიმა, კუთხური ან 11-მეტრიანი, გააჩნია, რა გარემოებები იქნება შეხვედრის მსვლელობისას.
მეტოქი შერჩეული ჯერ არ არის, თუმცა სტადიო ბრუნო ბენელის ბინადრების პრეზიდენტის, იგნაციო ჩიპრიანის თქმით, ის გააკეთებს ყველაფერს, იმისთვის, რომ 46 წლის ფლეიმეიქერის დებიუტი განსაკუთრებულ ვითარებაში შედგეს. შეგახსენებთ იმასაც, რომ ლეგენდარულმა გამთამაშებელმა უკანასკნელი თამაშში პროფესიონალურ დონეზე 2015-ში ჩაატარა.
