ცნობილი გავლენიანი გამოცემა GOAL.COM ჩემპიონთა ლიგის ფინალური მატჩის წინ ვრცელ სტატიას აქვეყნებს სათაურით - "როგორ მოაგვარებს არსენალი კვარაცხელიას პრობლემას?"
სტატიაში მეთოფეთა ვეტერანი ფეხბურთელის, რეი პარლურის კომენტარიცაა, რომელსაც არსენალში 300-ზე მეტი მატჩი აქვს ჩატარებული, ინგლისის ნაკრებში კი 10 შეხვედრა.
"ჩემპიონთა ლიგის ფინალის წინ, არსენალს მარჯვენა მცველის პოზიციაზე პრობლემები აქვს. ეს შესაშფოთებელი ფაქტია იმის გამო, რა საფრთხეც მათ ხვიჩა კვარაცხელიასგან ემუქრებათ -როგორ მოაგვარებენ ისინი თავდაცვით პრობლემებს და როგორ შეაკავებენ ერთ-ერთ საუკეთესო ვინგერს?
არტეტას გუნდს ბევრი გამარჯვებული ჰყავს - როგორიცაა ბუკაიო საკა და ვიქტორ გიოკერესი - მაგრამ გავიხსენოთ, რომ ოქროს ბურთის მფლობელ უსმან დემბელეს, „გოლდენ ბოის“ გამარჯვებულს დეზირე დუეს და ქართველ ილუზიონისტს, კვარაცხელიას დაუპირისპირდებიან.
"კვარაცხელია ერთ-ერთი საუკეთესო მოთამაშეა, ვინც ბოლო წლებში მინახავს. არტეტას დიდი საფიქრალი აქვს, თუ როგორ შეაჩეროს ის მაშინ, როვა მარჯვენა მცველის პოზიციაზე პრობლემები აქვს. როცა წინ კვარაცხელია გყავს, ვინც არ უნდა იყოს მარჯვენა მცველი, წინ არ უნდა წავიდეს და მხოლოდ თავდაცვაზე უნდა იფიქროს, წინააღმდეგ შემთხვევაში სახიფათოა.
კარგია, რომ პოზიციურ პრობლემებს ამ სეზონში ბევრჯერ გადავაწყდით, ამიტომ არტეტასთვის ამ პრობლემის მოგვარება რთული არ იქნება და ყველაფერს გააკეთებს", - განაცხადა არსენალის ყოფილმა ფეხბურთელმა.
ჩემპიონთა ლიგის ფინალური მატჩი პსჟ-სა და არსენალს შორის, 30 მაისს, ბუდაპეშთში, "პუშკაშ არენაზე" გაიმართება.
იქამდე კი ,არსენალს კიდევ ერთი გეგმა აქვს შესასრულებელი - პრემიერ ლიგის თასი, რომელიც 2004 წლის შემდეგ არ მოუგია. ჩემპიონატის დასრულებამდე 2 ტურია დარჩენილი, არსენალი კონკურენტ მანჩესტერ სიტის 2 ქულით ასწრებს და თუ ბარლის და კრისტალ პალასს დაამარცხს, ნანატრ პრემიერ ლიგას მოიგებს.
