2026 წლის მსოფლიო ჩემპიონატის დაწყებამდე სულ რაღაც 3 დღე რჩება, ეროვნული ნაკრებები კი მოსამზადებელი ეტაპის ბოლო ფაზაში იმყოფებიან. LaGazzetta.ge-ზე ახალი რუბრიკა გრძელდება, რომლის ფარგლებშიც მსოფლიო ჩემპიონატის ფავორიტი და წამყვანი ნაკრებების სავარაუდო სასტარტო შემადგენლობებს გაგაცნობთ.
ამ სტატიაში პორტუგალიის ნაკრების სავარაუდო სასტარტო XI ფეხბურთელზე ვისაუბრებთ. როგორც ჩვენთვის ცნობილია, რობერტო მარტინესი 4-2-3-1 სათამაშო სქემის გამოყენებას გეგმავს და, არსებული ინფორმაციით, სასტარტო შემადგენლობაზეც თითქმის საბოლოოდ არის ჩამოყალიბებული.
პორტუგალია (4-2-3-1): დიოგუ კოშტა, ჟოაუ კანსელუ/მატეუშ ნუნიეში, რუბენ დიაში, რენატუ ვეიგა/გონსალო ინასიუ, ნუნუ მენდეში, ვიტინია, ჟოაუ ნევეში, ბერნარდუ სილვა/ფრანსიშკუ კონსეისაუ, ბრუნო ფერნანდეში, რაფაელ ლეაუ, კრიშტიანუ რონალდუ.
როგორც ხედავთ, დაცვის ხაზში რუბენ დიაში ხელშეუხებელია, ხოლო მეორე ცენტრალური მცველის პოზიციაზე მარტინესი როგორც ვეიგას, ისე ინასიუსაც განიხილავს.
დაცვის მარჯვენა ფლანგზე ჟოაუ კანსელუ ფავორიტად მიიჩნევა, თუმცა გავრცელებული ინფორმაციით, მატეუს ნუნიეშიც საკმაოდ დიდ სათამაშო დროს მიიღებს.
