ჩიკოიძემ ნახევარფინალში ყაზახ შუკურბეკოვს იპონით მოუგო, მეოთხედფინალში კი ინდონეზიელ ტონი რიკარდო მანტოლასს სძლია. ქართველი ფინალში თურქ იბრაჰიმ ბოლუქბასის დაუპირისპირდება.
დღეს პარიზში კიდევ ერთი ქართველი პარაძიუდოისტი ლაშა ყიზილაშვილი (-90 – J2) იბრძვის მედლისთვის. ლაშამ მეოთხედფინალში წააგო და რეპეშაჟში გადაერთო, სადაც ბრიტანელი ევან მოლი დაამარცხა. ქართველი ბრინჯაოს მედლისთვის გადამწყვეტ შეხვედრაში უზბეკ დავურხონ კარომატოვს დაუპირისპირდება.
რევაზ ჩიკოიძე ზედიზედ მეორე პარალიმპიურ თამაშებზე გავიდა ფინალში, ქართველმა ტოკიოში ვერცხლის მედალი მოიპოვა.
დღეს პარიზში კიდევ ერთი ქართველი პარაძიუდოისტი ლაშა ყიზილაშვილი (-90 – J2) იბრძვის მედლისთვის. ლაშამ მეოთხედფინალში წააგო და რეპეშაჟში გადაერთო, სადაც ბრიტანელი ევან მოლი დაამარცხა. ქართველი ბრინჯაოს მედლისთვის გადამწყვეტ შეხვედრაში უზბეკ დავურხონ კარომატოვს დაუპირისპირდება.
შეგახსენებთ, პარიზში მიმდინარე პარალიმპიურ თამაშებზე, ამ დროისთვის საქართველოს დელეგაციის ანგარიშზე 7 მედალია, ჩემპიონი პარამძლეოსნი, ბირთვის კვრაში გიგა ოჩხიკიძე გახდა, ვერცხლის მედალები პარაძიუდოისტებმა ზურაბ ზურაბიანმა და გიორგი ქალდანმა მოიპოვეს, ასევე ვერცხლს დაეუფლა ვლადიმერ ჭინჭარაული 50 მეტრზე პნევმატური შაშხანიდან სროლაში. ბრინჯაოს მედლები პარატაეკვონდოში ანა ჯაფარიძემ, ეტლით ფარიკაობაში (ხმალი) ნინო თიბილაშვილმა და პარაძიუდოში ინა ქალდანმა დაისაკუთრეს, 7 მედალი საქართველოს ერთ პარალიმპიურ თამშებზე აქამდე არასდროს მოუპოვებია.
