სერია ა-ს 2025/2026 წლების სეზონის ჩემპიონი მილანის ინტერი გახდა. საინტერესოა, რომ სკუდეტოს ახალი მფლობელი გუნდის დამრიგებელმა, კრისტიან კივუმ რამდენიმე რეკორდის დამყარება მოასწრო. ის არის პირველი უცხოელი სპეციალისტი ჟოზე მოურინიოს შემდეგ (2009/10), რომელიც ჩემპიონი გახდა.
ამის გარდა, რუმინელი მწვრთნელი 21-ე საუკუნეში არის "ნერაძურის" მეორე დამრიგებელი პორტუგალიელი სპეციალისტის შემდეგ, რომელმაც სკუდეტო სადებიუტო სეზონშივე მოიგო. ჯუზეპე მეაცას მკვიდრთა ამჟამინდელმა მენეჯერმა ამ მხრივ აჯობა რობერტო მანჩინის, ანტონიო კონტესა და სიმონე ინძაგის.
ბოლოს კი მთავარი - "ტანკისტი" არის სულ რაღაც მეორე ლეგიონერი სერია ა-ს ისტორიაში, ვინც ჩემპიონი გახდა როგორც ფეხბურთელის, ისე სპეციალისტის რანგშიც. პირველი იყო ნილს ლიდჰოლმი, რომელმაც მილანში ჯერ მოთამაშის სტატუსით მოიგო რამდენიმე სკუდეტო (1951-1959), შემდეგ კი როგორც დამრიგებელმაც (1979).
"როსონერის" გარდა, შვედმა მწვრთნელმა ჩემპიონი რომაც გახადა (1983). რაც შეეხება კივუს, ფეხბურთელის რანგში სერია ა-ს გამარჯვებული ინტერნაციონალესთან ერთად რამდენჯერმე ის გახდა 00-იანების მე-2 ნახევარში, მიმდინარე სეზონში კი როგორც აღვნიშნეთ, სპეციალისტის სტატუსითაც.
