ჩემპიონთა ლიგის პლეი-ოფის პირველ შეხვედრაში მადრიდის რეალმა დრამატულ ბრძოლაში სტუმრად დაამარცხა მანჩესტერ სიტი, ანგარიშით 3:2. ყველაფერი დაიწყო ერლინგ ჰოლანდის გატანილი ბურთით, რასაც კილიან მბაპეს საპასუხო გოლი მოყვა. მეორე ტაიმში "სამეფო კლუბის" კარში დაინიშნა 11-მეტრიანი, რომელიც ზუსტად კვლავ ნორვეგიელმა ფორვარდმა შეასრულა.
ყველაფერი მიდიოდა "ქალაქელების" გამარჯვებისკენ, თუმცა "ბლანკოსმა" მორიგი ეპიკური ქამბექი შემოგვთავაზა. 86-ე წუთზე ანგარიში გაათანაბრა ბრაჰიმ დიასმა, 92-ზე კი ჯუდ ბელინგემმა კარლო ანჩელოტის გუნდს მოგება მოუტანა. 2:3, "ლურჯების" მორიგი წაგება.
სათამაშო დღის ყველა მატჩის შედეგი:
ბრესტი 0-3 პსჟ
იუვენტუსი 2-1 პსვ
მანჩესტერ სიტი 2-3 რეალი