უკრაინისა და საქართველოს ნაკრებების შეხვედრის პარალელურად, ჩეხეთის ეროვნულმა გუნდმა ალბანეთი 2:0 დაამარცხა. 14 ოქტომბერს, B1 ჯგუფის აუტსაიდერი ესტუმრება "ჯვაროსნებს" და ჯგუფის მოგებაზე ფიქრის გასაგრძელებლად "არწივებს" მხოლოდ მოგება სჭირდებათ. მატჩის წინ, კომენტარი გააკეთა ბალკანელთა ვინგერმა, ნედიმ ბაირამიმ:
"ვიცოდით, რომ ჩეხეთი თავიდანვე აგრესიულად შეგვიტევდა. მოწინააღმდეგე უხეშობდა ხშირად და ხისტი იყო ფიზიკურ ორთაბრძოლებში. მე-15 წუთიდან ვფლობდით თამაშის სადავეებს, მაგრამ სამწუხაროდ, გოლი ვერ გავიტანეთ. რაც შეეხება უკრაინა - საქართველოს მატჩის შედეგს, იმის იმედი დაგვიტოვა, რომ დასრულებული არაფერია.
იმედი გვაქვს, რომ "ჯვაროსნებს" გავიტანთ იმ გოლებს, რომლებიც დღეს ვერ გავიტანეთ", - განაცხადა ალბანელმა გარემარბმა. შეგახსენებთ, რომ ჩვენი ნაკრები "შავ-წითლებს" მიიღებს 14 ოქტომბერს, მატჩი 20:00 საათზე დაიწყება.