რას ველოდებით პარიზის პარალიმპიური თამაშებიდან და შეუძლიათ თუ არა ქართველ პარასპორსტსმენებს ტოკიოში ნაჩვენები შედეგი გააუმჯობესონ, - ამის შესახებ LaGazzetta.ge-სთან ინტერვიუში საქართველოს პარალიმპიური კომიტეტის პრეზიდენტმა, რატი იონათამიშვილმა ისაუბრა:
- 14 პარასპორტსმენით წარდგებით ზაფხულის პარალიმპიურ თამაშებზე, რაც რეკორდული მაჩვენებელია, რა მოლოდინი გაქვთ და შედეგის გაუმჯობესებას თუ ელით?
- საქართვლოსთვის ეს ზაფხულის მეხუთე პარალიმპიური თამაშებია, აქედან ჩვენთვის შედეგიანი 2 პარალიმპიადა იყო, 2016 წელს რიოში ერთი ოქროს მედალი ავიღეთ, ტოკიოში კი 3 ვერცხლის. იმედი გვაქვს, პარიზის პარალიმპიური თამაშები უკეთესი იქნება ვიდრე წინა ორი ერთად. ფაქტია, რომ ქართველი პარასპორტსმენები მსოფლიოში სულ უფრო მეტად ხდებიან ანგარიშგასაწევნი. ჩვენი დელეგაცია ვარსკვლავური შემადგენლობითაა დაკომპლექტებული, ჩვენ გვყავს მსოფლიოსა და ევროპის ჩემპიონები, პარალიმპიური თამაშების პრიზიორები და ვფიქრობთ, რომ ყველას ექნება შესაძლებლობა იბრძოლოს მაღალი მიზნებისთვის, მაგრამ პროგრამა მინიმუმი რაც გვაქვს, ესაა 2 ოქროს მედალი და ჯამში სხვადასხვა სინჯის 5 მედალი.
- 6 სხვადასხვა სახეობაში იასპარეზებენ ქართველი პარასპორტსმენები...
- დიახ, აქამდე ლიცენზიები 3 სახეობაში გვქონდა, პარიზში უკვე 6 სახეობაში ვიქნებით წარდგენილი. ჩვენთვის ტრადიციული სახეობაა პარაძიუდო და ეტლით ფარიკაობა. წელს პარატაეკვონდოში 3 წარმომადგენელი გვეყოლება და სამივე მათგანი საკმაოდ ძლიერია. მათ შორისაა ანა ჯაფარიძე, რომელიც 18 წლისაა და ჩვენი დელეგაციის ყველაზე ახალგაზრდა წევრია, ის 29 აგვისტოს ჩაერთვება ასპარეზობაში ლია ჩაჩიბაიასა და გიორგი ნიკოლაძესთან ერთად. პარაწოლჭიმში გვეყოლება ერთი პარაათლეტი აკაკი ჯინჭარაძე (+107 კგ).
- პარამძლეოსნობაში 2 პარასპორტსმენი გვეყოლება…
- დიახ, ასევე არასდროს გვქონია ლიცენზია პარამძლეოსნობაში, სადაც 2 პარასპორსტმენი გვეყოლება წელს. გვყავს მსოფლიოს მოქმედი ჩემპიონი და ევროპის რეკორდსმენი ბირთვის კვრაში - გიორგი ოჩხიკიძე, პარამძლეოსნობაში საქართველოს ღირსებას კიდევ ერთი სპორტსმენი დაიცავს, დავით ქავთარაძე შუბის ტყორცნაში იასპარეზებს. აქამდე სიგრძეზე ხტომაში გამოდიოდა და დიდ ასპარეზზე მისი დებიუტი შედგება შუბის ტყორცნაში.
- პარასროლაში ერთი პარასპორტსმენი, ლადო ჭინჭარაული იასპარეზებს საქართველოდან, როგორია პარალიმპიურ თამაშებზე კონკურენცია და რა შესაძლებლობა ექნება?
- ლადო ჭინჭარაული სპორტული შაშხანით სროლაში 3 დისტანციაზე მოსინჯავს ძალებს. ლადო 12 წელია აქტიური პარასპორტსმენია, თუმცა კარიერაში საუკეთესო შედეგები სწორედ ბოლო ერთ წელში უჩვენა. ევროპის ჩემპიონატზე ვერცხლის მედალი მოიპოვა და ევროპის ვიცეჩემპიონის სტატუსით მიემგზავრება პარიზში. ძალიან ამბიციური და მებრძოლი სპორტსმენია და იმედი მაქვს, კარგ შედეგს დააფიქსირებს.
- პარაძიუდოისტების შედეგებს თუ გავითვალისწინებთ, ქართველებისთვის პარაძიუდო ტრადიციულად წარმატებულია, წელს რას ველოდებით?
- როგორც ძიუდო, ასევე პარაძიუდო ტარდიციული სახალხო სპორტია ჩვენთვის. პარაძიუდოში ჩვენ მთელ მსოფლიოში ერთ-ერთი უძლიერესი ნაკრები გვყავს. მცირედმხედველი პარაათლეტებითაა დაკომპლექტებული ჩვენი გუნდი, თუ გავითვალისწინებთ შედეგებს, საქართველოს პარალიმპიურ თამაშებზე 4 მედლიდან 3 სწორედ პარაძიუდოისტებმა მოუტანეს. ერთი - ეტლით ფარიკაობაში ნინა თიბილაშვილმა მოიპოვა. 5 პარაძიუდოისტი, რომელიც პარიზში მიემგზავრება თავის წონით კატეგორიაში ერთ-ერთი საუკეთესოა, არც ერთი შეჯიბრი არ ტარდება, რომ უმაღლესი შედეგი არ გვქონდეს. რა თქმა უნდა, გამოვყოფ, ტოკიოს ვერცხლის პრიზიორებს, ინა ქალდანსა (+70 კგ.) და რევაზ ჩიკოიძეს (+90 კგ.), ისინი ეცდებიან შედეგისა და მედლის სინჯის გაუმჯობესებას, თუმცა საქართველოს პარაძიუდოს ნაკრებიდან პარალიმპიურ თამაშებზე მედლის მოპოვება ხუთივე მათგანს შეუძლია, მიუხედავ იმისა, რომ ერთ-ერთი ყველაზე კონკურენტუნარიანი სახეობაა პარალიმპიურ მოძრაობაში.
- 14 პარასპორტსმენიდან 5 ქალია, რამდენად მნიშვნელოვანია ქალთა ჩართულობა პარასპორტში?
- მე განსაკუთრებით მეამაყება, რომ საქართველოს პარალიმპიურ ნაკრებს სამაგალითო გოგოები ჰყავს და ჩვენი ქალი პარასპორსტმენები არამარტო სპორტული საზოგადოებისთვის, არამედ მთლიანად მოქალაქეებისთვის არიან მაგალითი. ინა ქალდანის ვერცხლის მედალი ტოკიოს პარალიმპიურ თამაშებზე განსაკუთრებით მნიშვნელოვანი იყო, ინა ჩვილი ბავშვის დედა იყო, მიუხედავად ამ პროცესებისა მაინც შეძლო ასპარეზობა და არამხოლოდ ასპარეზობა, მედლის მოპოვება, რაც განსაკუთრებულ ყურადღებასა და დაფასებას იმსახურებს საერთაშორისო დონეზე. ასევე, ეტლით მოფარიკავეები ირმა ხეცურიანი და ნინა თიბილაშვილი, ეს გოგოები ამსხვრევენ სტერეოტიპებს და მათი მოღვაწეობა დიდი ხანია გასცდა სპორტულ ჩარჩოებს, დიდი წვლილი შეაქვთ ინკლუზიური გარემოს შენებაში და შემთხვევითი არაა, რომ გაეროს ბავშვთა ფონდის სახე და ელჩია ირმა ხეცურიანი. ჩვენს გუნდში გამოცდილი და ძლიერი პარასპორტსმენები არიან და თანაბარი არის ხოლმე ქალებისა და კაცების მონაპოვარი. ქალთა ჩართულობა და წარმატება პარასპორტში იქნება მაგალითის მომცემი შშმ პირები გოგოებისთვის, რომლებსაც ექნებათ მოტივაცია ჩაერთონ პარასპორტში, რაც ჩვენი მთავარი მიზანია, რომ მომართვიანობა გაიზარდოს და მეტი ახალგაზრდა შემოგვიერთდეს.
საქართველოს გუნდი პარალიმპიადაზე:
ეტლით ფარიკაობა:
- ირმა ხეცურიანი;
- ნინა თიბილაშვილი.
პარამძლეოსნობა:
- გიორგი ოჩხიკიძე (ბირთვის კვრა);
- დავით ქავთარაძე (შუბის ტყორცნა);
პარატაეკვონდო:
- ანა ჯაფარიძე (-54 კგ.);
- ლია ჩაჩიბაია (-47 კგ.);
- გიორგი ნიკოლაძე (-70 კგ.).
პარასროლა:
- ვლადიმერ ჭინჭარაული (შაშხანით სროლა R4 და R5 კატეგორიებში 10 მეტრზე და R9 კატეგორიაში 50 მეტრზე);
პარაძიუდო:
- ზურაბ ზურაბიანი ( -60 კგ.);
- გიორგი ქალდანი (-73 კგ.);
- ინა ქალდანი (+70 კგ.);
- ლაშა ყიზილაშვილი (-90 კგ.);
- რევაზ ჩიკოიძე (+90 კგ.).
პარაწოლჭიმი:
- აკაკი ჯინჭარაძე (+107 კგ.).
- როგორც ძიუდო, ასევე პარაძიუდო ტარდიციული სახალხო სპორტია ჩვენთვის. პარაძიუდოში ჩვენ მთელ მსოფლიოში ერთ-ერთი უძლიერესი ნაკრები გვყავს. მცირედმხედველი პარაათლეტებითაა დაკომპლექტებული ჩვენი გუნდი, თუ გავითვალისწინებთ შედეგებს, საქართველოს პარალიმპიურ თამაშებზე 4 მედლიდან 3 სწორედ პარაძიუდოისტებმა მოუტანეს. ერთი - ეტლით ფარიკაობაში ნინა თიბილაშვილმა მოიპოვა. 5 პარაძიუდოისტი, რომელიც პარიზში მიემგზავრება თავის წონით კატეგორიაში ერთ-ერთი საუკეთესოა, არც ერთი შეჯიბრი არ ტარდება, რომ უმაღლესი შედეგი არ გვქონდეს. რა თქმა უნდა, გამოვყოფ, ტოკიოს ვერცხლის პრიზიორებს, ინა ქალდანსა (+70 კგ.) და რევაზ ჩიკოიძეს (+90 კგ.), ისინი ეცდებიან შედეგისა და მედლის სინჯის გაუმჯობესებას, თუმცა საქართველოს პარაძიუდოს ნაკრებიდან პარალიმპიურ თამაშებზე მედლის მოპოვება ხუთივე მათგანს შეუძლია, მიუხედავ იმისა, რომ ერთ-ერთი ყველაზე კონკურენტუნარიანი სახეობაა პარალიმპიურ მოძრაობაში.
- 14 პარასპორტსმენიდან 5 ქალია, რამდენად მნიშვნელოვანია ქალთა ჩართულობა პარასპორტში?
- მე განსაკუთრებით მეამაყება, რომ საქართველოს პარალიმპიურ ნაკრებს სამაგალითო გოგოები ჰყავს და ჩვენი ქალი პარასპორსტმენები არამარტო სპორტული საზოგადოებისთვის, არამედ მთლიანად მოქალაქეებისთვის არიან მაგალითი. ინა ქალდანის ვერცხლის მედალი ტოკიოს პარალიმპიურ თამაშებზე განსაკუთრებით მნიშვნელოვანი იყო, ინა ჩვილი ბავშვის დედა იყო, მიუხედავად ამ პროცესებისა მაინც შეძლო ასპარეზობა და არამხოლოდ ასპარეზობა, მედლის მოპოვება, რაც განსაკუთრებულ ყურადღებასა და დაფასებას იმსახურებს საერთაშორისო დონეზე. ასევე, ეტლით მოფარიკავეები ირმა ხეცურიანი და ნინა თიბილაშვილი, ეს გოგოები ამსხვრევენ სტერეოტიპებს და მათი მოღვაწეობა დიდი ხანია გასცდა სპორტულ ჩარჩოებს, დიდი წვლილი შეაქვთ ინკლუზიური გარემოს შენებაში და შემთხვევითი არაა, რომ გაეროს ბავშვთა ფონდის სახე და ელჩია ირმა ხეცურიანი. ჩვენს გუნდში გამოცდილი და ძლიერი პარასპორტსმენები არიან და თანაბარი არის ხოლმე ქალებისა და კაცების მონაპოვარი. ქალთა ჩართულობა და წარმატება პარასპორტში იქნება მაგალითის მომცემი შშმ პირები გოგოებისთვის, რომლებსაც ექნებათ მოტივაცია ჩაერთონ პარასპორტში, რაც ჩვენი მთავარი მიზანია, რომ მომართვიანობა გაიზარდოს და მეტი ახალგაზრდა შემოგვიერთდეს.
საქართველოს გუნდი პარალიმპიადაზე:
ეტლით ფარიკაობა:
- ირმა ხეცურიანი;
- ნინა თიბილაშვილი.
პარამძლეოსნობა:
- გიორგი ოჩხიკიძე (ბირთვის კვრა);
- დავით ქავთარაძე (შუბის ტყორცნა);
პარატაეკვონდო:
- ანა ჯაფარიძე (-54 კგ.);
- ლია ჩაჩიბაია (-47 კგ.);
- გიორგი ნიკოლაძე (-70 კგ.).
პარასროლა:
- ვლადიმერ ჭინჭარაული (შაშხანით სროლა R4 და R5 კატეგორიებში 10 მეტრზე და R9 კატეგორიაში 50 მეტრზე);
პარაძიუდო:
- ზურაბ ზურაბიანი ( -60 კგ.);
- გიორგი ქალდანი (-73 კგ.);
- ინა ქალდანი (+70 კგ.);
- ლაშა ყიზილაშვილი (-90 კგ.);
- რევაზ ჩიკოიძე (+90 კგ.).
პარაწოლჭიმი:
- აკაკი ჯინჭარაძე (+107 კგ.).
