საქართველოს 18-წლამდელთა ნაკრები სამხრეთ აფრიკაში ჩავიდა, სადაც 7 აგვისტოდან 15 აგვისტოს ჩათვლით, საერთაშორისო სერიაში მიიღებს მონაწილეობას.
საქართველოსა და სამხრეთ აფრიკის რაგბის კავშირებს შორის, ბოლო წლებში მჭიდრო, მეგობრული ურთიერთობა ჩამოყალიბდა და ჩვენი 18-წლამდელებიც ზედიზედ მესამედ ითამაშებენ საერთაშორისო სერიაზე, რომლის ფარგლებში ტიერ 1-ის ქვეყნების თანატოლებთან სამი მაღალი დონის შეხვედრას გამართავენ.
სერიაში ექვსი ნაკრები იღებს მონაწილეობას: სამხრეთ აფრიკა ორი გუნდით, ირლანდია, საფრანგეთი, ინგლისი და საქართველო. გიორგი ნემსაძის შეგირდები პირველ მატჩს 7 აგვისტოს, დურბანის უმაღლესი სკოლის მოედანზე, ჩვენი დროით 15:30 საათზე ინგლისთან გამართავენ; 11 აგვისტოს, ბოლანდ ლანდბოუში 13:30 საათზე სამხრეთ აფრიკას ეთამაშებიან; ხოლო 15 აგვისტოს, 15:30 საათზე, პარლს გიმნაზიუმში ირლანდიას შეერკინებიან.
საქართველოს 18-წლამდელთა ნაკრების შემადგენლობა სამხრეთ აფრიკულ ტურნეზე
შერკინება:ლუკა ბარბაქაძე (ხვამლი), საბა მერებაშვილი (ლელო), სანდრო გამყრელიძე (აკადემია), საბა გოგრიჭიანი (ლოკომოტივი), გიორგი ბერძენიშვილი (ტულონი, ლელო), იაგო ღუდუშაური (ლოკომოტივი), ნიკოლოზ ხარებავა (ლოკომოტივი), ნიკოლოზ ფანცულაია (არმია), საბა გიორგიძე (მონპელიე, ლელო), გიორგი სუთიაშვილი (ლელო, მასი/ანგულემი), გიორგი ქევანიშვილი (აია), ნიკა ჯანგულაშვილი (არმია), მათე ბერუაშვილი (ლოკომოტივი, კაპ.), ლუკა შულაია (ბაიონი, ლელო/სოხუმი);
ხაზი:გიორგი ხონელიძე (ტულონი, ლელო), ალექსანდრე გაგუა (ხვამლი), მათე მახარაძე (ხვამლი, ბათუმი), ლუკა მუშკუდიანი (აია), მიხეილ მგალობლიშვილი (ხვამლი), გოგა ბერიძე (ბათუმი), ალექსანდრე მამაიაშვილი (ლელო), დავით ახვლედიანი (არმია), ბართლომე ხამაშურიძე (აია), ნიკოლოზ ჩაჩანიძე (აკადემია), რეზი ცხვედიანი (ხვამლი), ლუკა ჭაკუა (ლელო, ფოთი).
მთავარი მწვრთნელი:გიორგი ნემსაძე
მწვრთნელები:პაატა მაისურაძე, ირაკლი ყიასაშვილი, შალვა მამუკაშვილი
საქართველოს რაგბის კავშირი
