5 ივნისს, საქართველოს ნაკრები ამხანაგურ მატჩს ბაჰრეინის წინააღმდეგ გამართავს. მატჩის წინ კომენტარი ჩვენი ნაკრების ერთ-ერთმა ლიდერმა ოთარ კიტეიშვილმა გააკეთა.
"ნაკრებში მოსამზადებლად ბევრი დრო არ გვაქვს ხოლმე, შესაბამისად, ის ამხანაგური მატჩები, რომლებსაც ახლა ჩავატარებთ, მნიშვნელოვანი იქნება სექტემბრის ერთა ლიგის თამაშებისთვის.
რა თამაშიც არ უნდა იყოს, მოგება ყოველთვის მნიშვნელოვანია და ასე იქნება ხვალინდელ შეხვედრაში ჩვენი მიზანი მხოლოდ გამარჯვებაა.
ერთა ლიგაზე საკმაოდ რთულ ჯგუფში ვართ და ამ გამოწვევისთვის მზად უნდა ვიყოთ. არც ველით, რომ რაიმე მარტივად მოხდება. მნიშვნელოვანია, რომ ამ მატჩებს ყველა ფეხბურთელი მზადყოფნაში შეხვდეს.", - განაცხადა კიტეიშვილმა
