შვედეთის პროკურატურამ დახურა გაუპატიურების საქმეზე გამოძიება, რომელიც კილიან მბაპეს წინააღმდეგ სტოკჰოლმში დაიწყო. როგორც ერთ-ერთმა პროკურორმა განაცხადა, არასაკმარისი მტკიცებულებების გამო, გამოძიება შეწყდა, შესაბამისად, კილიან მბაპე უდანაშაულოდ ცნეს.
შვედეთის პროკურატურის პრესრელიზში წერია, რომ გამოძიება გასული წლის ოქტომბერში დაიწყო, რომელიც კილიან მბაპეს სტოკჰოლმში მოგზაურობას უკავშირდებოდა. საქმე აღიძრა გაუპატიურების მუხლზე, თუმცა სასამართლო ამ ხუთშაბათს, არასაკმარისი მტკიცებულებების გამო დაიხურა.
პრესრელიზში შვედეთის პროკურორი კილიან მბაპეს არც კი ახსენებს: "გამოძიება მიმდინარეობდა პირის წინააღმდეგ, რომელიც გონივრულად იყო ეჭვმიტანილი გაუპატიურებაში და სექსუალურ შევიწროებაში, მაგრამ ჩვენი შეფასებით, მტკიცებულებები არ არის საკმარისი საქმის გასაგრძელებლად და ამიტომ, გამოძიება დახურულია”, - ამბობს შვედეთის უფროსი პროკურორი მარინა ჩირაკოვა.
La Liga
რა ხდება კილიან მბაპეს საქმეზე? — შვედეთის პროკურატურის განაჩენი ცნობილია
