შეკრება იწყება, ნაპოლის ოფიციალურმა გვერდმა გამოაქვეყნა ფეხბურთელების სია, რომლებიც გუნდთან ერთად შეკრებას დაიწყებენ, თუმცა სიაში არ არის ხვიჩა კვარაცხელია.
იწერება, რომ ამის მიზეზი კვარაცხელიას სხვა გუნდში ტრანსფერია, თუმცა ეს ინფორმაცია სიმართლეს არ შეესაბამება.
LaGazzetta.ge-ს ინფორმაციით, ქართველმა ვარსკვლავმა ნაპოლის ხელძღვანელობას და სამწვრთნელო შტაბს, პირადი, ოჯახური მიზეზების გამო, რამდენიმე დღიანი დასვენების უფლების მოცემა სთხოვა, რაზეც დადებითი პასუხი მიიღო.
შესაბამისად, ჩვენივე ცნობით, კვარაცხელია ნაპოლის აგვისტოს დასაწყისისთვის შეუერთდება. მის ტრანსფერზე კი ჯერჯერობით სიახლე არ არის.
მოსამზადებელი ეტაპის ფარგლებში ნაპოლი 5 ამხანაგურ მატჩს გამართავს. გუნდი შეკრებას დიმაროში დაიწყებს, რომელიც იტალიის მაღალმთიანი ადგილია. მეორე ნაწილს კასტელ დი სანგროში გაატარებს. ეს რეგიონი ნეაპოლთან ძალიან ახლოსაა. კვარაცხელია გუნდს სწორედ შეკრების მეორე ეტაპზე შეუერთდება.
ნაპოლის განრიგი:
პირველი ნაწილი:
16 ივლისი: ნაპოლი-ვალ დი ნონი
20 ივლისი: ნაპოლი-მანტუა
მეორე ნაწილი:
28 ივლისი: ნაპოლი-ადანა დემირსპორი
31 ივლისი: ნაპოლი-ბრესტი
8 აგვისტო: ნაპოლი-ხირონა
ნაპოლის განაცხადი შეკრების დასაწყისში
