საქართველოს ნაკრების ფეხბურთელმა გიორგი ქოჩორაშვილმა ჩეხეთთან გასამართი მატჩის წინ კოენტარი გააკეთა.
"ლოგიკურია, რომ ყველა გუნდს ჩვენთან შეტევა სურს, თუმცა ყველა მეტოქესთან ჩვენც ანალოგიურს გავაკეთებთ. ასევე, თავი კარგად უნდა დავიცვათ და ერთი, რასაც გულშემატკივარს ვპირდებით, არის ის, რომ ბოლომდე ვიბრძოლებთ.
მე, ჩემს ოჯახს და ქართველებს ფეხბურთი ძალიან გვიყვარს და ჩვენთვის დიდი პატივია, რომ ასეთ დიდ ტურნირზე ვთამაშობთ. საქართველოში ახლა ყველა ბედნიერია. ხვალინდელ თამაშზე უნდა ვიფიქროთ, მოვემზადოთ და იმ ხალხისთვის ვითამაშოთ, ვისაც ჩვენი იმედი აქვს.
აქამდე შრომით და თავდაჯერებით მოვედით, ამიტომ მზად ვართ სამივე მატჩის სათამაშოდ. ეს ბრძოლის ველი არ არის, ფეხბურთით უნდა ვისიამოვნოთ და როცა რამით სიამოვნებას იღებ, ყოველთვის ყველაფერი კარგად გამოდის", - განაცხადა ქოჩორაშვილმა.
ევროპის ჩემპიონატის ჯგუფური ეტაპის მატჩი საქართველოსა და ჩეხეთის ნაკრებებს შორის, 22 ივნისს, 17:00 საათზე დაიწყება.
