რუმინეთის ქალაქ კონსტანცაში ევროპის სასკოლო ჩემპიონატი დაიწყო. შეჯიბრებაში საქართველოდან 15 მოჭადრაკე იასპარეზებს. მონაწილეების შესაბამის ასაკში ნაჩვენები შედეგების მიხედვით შეირჩნენ.
საქართველოს დელეგაციას ერთ-ერთი წარმატებული მწვრთნელი, ხათუნა გუბელაძე ხელმძღვანელობს. ხათუნა გუბელაძემ ტურნირის შესახებ ისაუბრა:
„რუმინეთში ჩამოსვლის შემდეგ მოჭადრაკეებმა ძალები აღიდგინეს, ჩვეული შემართებით არიან და უმაღლესი შედეგებისთვის იბრძოლებენ. რა თქმა უნდა, ძალიან მნიშვნელოვანი ტურნირია ამ ასაკის მოჭადრაკეებისთვის. ევროპის სასკოლო ჩემპიონატი, როგორც საერთაშორისო შეჯიბრება, ახალგაზრდა მოჭადრაკეებს გამოცდილების დაგროვებასა და კარიერულ ზრდაში დაეხმარებათ.“
საქართველოს გუნდის შემადგენლობა:
9 წლამდე გოგონებს შორის - ლილე სვანაძე;
11 წლამდე გოგონებს შორის - სარა სალთხუციშვილი, მართა დოგრაშვილი;
13 წლამდე გოგონებს შორის - ანასტასია ქუთათელაძე, ანასტასია ჭიჭინაძე, ბარბარე შონია;
15 წლამდე გოგონებს შორის - ბარბარე აშოთია, თეკლა კოღუაშვილი;
9 წლამდე ვაჟებს შორის - ალექსანდრე ბერიშვილი;
11 წლამდე ვაჟებს შორის - ლაზარე ჩხარტიშვილი;
13 წლამდე ვაჟებს შორის - დავით თათვიძე, გაბრიელ გაბადაძე;
15 წლამდე ვაჟებს შორის - ერეკლე ტაბატაძე, ანდრია კვირიაშვილი, გიორგი ჩალაძე.
აღსანიშნავია, რომ ქართველი მოჭადრაკეები ტურნირში ფავორიტების სტატუსით მონაწილეობენ და მწვრთნელებს იმედი აქვთ, ჩვენი ქვეყნის წარმომადგენლები წარმატებით იასპარეზებენ და არაერთ მედალს მოუტანენ საქართველოს. ევროპის სასკოლო ჩემპიონატი 7 ივნისს დასრულდება.
ფოტო: საქართველოს ჭადრაკის ფედერაცია
