გასული სეზონი ქართველი ლეგიონერებისთვის ისტორიაში ერთ-ერთი გამორჩეული იყო, ბევრი გოლი, საგოლე გადაცემა და ტიტულები.
ყველაფერი ისე დაიწყო, რომ ქართველებისთვის ეს სეზონიც შედეგიანი უნდა იყოს. ჩვენმა ლეგიონერებმა სეზონი ბრწყინვალედ დაიწყეს.
ჯერ თავი ირაკლი იეგოიანმა გამოიჩინა, როცა ერედიზიონის პირველივე ტურის პირველივე მატჩში გოლი და საგოლე გადაცემა მიითვალა.
ბუნდესლიგა 2-ის პირველ ტურში ჰაიდენჰაიმი ოსნაბრუკს დაუპირისპირდა და უხვგოლიან მატჩში 4:3 დაამარცხა. ძირითად შემადგენლობაში იყო მასპინძელი გუნდის ქართველი ფორვარდი ბუდუ ზივზივაძე, რომელმაც ანგარიში გახსნა. ბუდუმ მეორე გოლიც გაიტანა, თუმცა გოლი გაუქმდა.
ვილიარეალმა ამხანაგური მატჩი გალათასარაის წინააღმდეგ გამართა და 2:1 გაიმარჯვა. ყვითლების მხრიდან გამარჯვების მომტანი გოლი ჟორჟ მიქაუტაძემ პირველი ტაიმის მიწურულს გაიტანა.
M I K A U T A D Z E 👑 pic.twitter.com/HedvKtSCvJ
— Villarreal CF (@VillarrealCF) August 8, 2026
საფრანგეთის ლიგა 2-ში ახლადგავარდნილმა მეცმა ლიგა 1-ში დაბრუნებისთვის ბრძოლა თავიდანვე დაიწყო და პირველ ტურში გენგამი 2:1 დაამარცხა. მეცის ქართველი შემტევი გიორგი აბუაშვილი ძირითად შემადგენლობაში იყო და გოლი მე-60 წუთზე გაიტანა.
ევროპის მოქმედი ჩემპიონი ხვიჩა კვარაცხელია მორიგი ტიტულის მოსაპოვებლად ემზადება. სუპერთასზე პსჟ ასტონ ვილას დაუპირისპირდება, იქამდე კი ხვიჩამ და პსჟ-მ ამხანაგური მატჩი მანჩესტერ იუნაიტედის წინააღმდეგ ჩაატარეს და ფრედ 1:1 ითამაშეს.
