ტყვიის მსროლელთა - მარიამ მარშავასა და გიორგი მუმლაძის - შერეულმა წყვილმა 23-წლამდელთა ევროპის ჩემპიონატზე ბრინჯაოს მედალი მოიპოვა.
შეჯიბრება პოლონეთის ქალაქ ვროცლავში მიმდინარეობს. მარიამ მარშავასა და გიორგი მუმლაძის შერეულმა წყვილმა 10 მეტრზე პნევმატური პისტოლეტიდან სროლაში 405,6 ქულა დააგროვა, მესამე ადგილი დაიკავა და ევროპის ჩემპიონატის ბრინჯაოს პრიზიორი გახდა.
მიმდინარე წელს მარიამ მარშავასა და გიორგი მუმლაძის შერეულმა წყვილმა 20-წლამდელთა ევროპის ჩემპიონატზეც ბრინჯაოს მედალი მოიპოვა.
