პარი სენ-ჟერმენის ყოფილმა მთავარმა მწვრთნელმა, კრისტოფ გალტიემ ოქროს ბურთის ფავორიტები დაასახელა. მან გამოარჩია სამი ფეხბურთელი - ხვიჩა კვარაცხელია, უსმან დემბელე და ფაბიან რუისი. როგორც ვხედავთ, ფრანგი თავკაცი პსჟ-ს მოთამაშეებისკენ იხრება.
"ოქროს ბურთის ფავორიტები? თუ ვიმსჯელებთ ტიტულებით, რუისი, თამაშის ხარისხით - დემბელე, ასევე კვარაცხელიაც გამოსარჩევია. გამიხარდება ნებისმიერი მათგანის წარმატება, ასევე ის, თუ ბალონ დ'ორს სხვა რომელიმე ფრანგი მოთამაშე მოიგებს", - განაცხადა "ლურჯ-წითელთა" ექს-თავკაცმა.
შეგახსენებთ, რომ ოქროს ბურთის დაჯილდოება გაიმართება 26 ოქტომბერს, ლონდონში. ზემოაღნიშნული სამეულის გარდა, ფავორიტებს შორის არიან კილიან მბაპე, ჰარი კეინი, როდრი ერნანდესი, ლამინ იამალი და მაიკლ ოლისე.
