![[პრევიუ] მოთელვითი მატჩი ევროპის ჩემპიონატის წინ - დღეს საქართველო მონტენეგროს შეხვდება](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FjWU2GghiamE4LODDCz0QZAi0YTgqGvQu.webp&w=3840&q=75)
საქართველოს ნაკრებმა ევროპის ჩემპიონატისთვის მოსამზადებელი ეტაპი ავსტრიაში გაიარა და პოდგორიცაში გუშინ ჩამოვიდა. ამ დიდი ფორუმისთვის ნაკრებში 26 ფეხბურთელია გამოძახებული.
ეს იქნება პირველი და უკანასკნელი ამხანაგური შეხვედრა ევოპის ჩემპიონატის წინ, რის შემდეგაც ვილი სანიოლის გუნდი გერმანიის ქალაქ ველბერტში გაემგზავრება და მზადებას იქ გააგრძელებს.
მოგეხსენებათ, ჯგუფში პირველ მატჩს 18 ივნისს, თურქეთის წინააღმდეგ ჩავატარებთ, შემდეგ მოდიან ჩეხეთი და პორტუგალია.
ვილი სანიოლი (საქართველოს ნაკრების მთავარი მწვრთნელი): "ფეხბურთის ფედერაციამ შესანიშნავი შეკრების ორგანიზება მოახერხა. გვქონდა შესაძლებლობა გვემუშავა ისე, როგორც ჩვენ გვსურდა. მონტენეგროსთან მატჩი ევროპის ჩემპიონატამდე ბოლო შეხვედრაა. გვინდა, რომ ამ თამაშმა მეტი თავდაჯერება მოგვცეს. თუმცა, ვიცით, რომ ჯერ 100 პროცენტით მზად არ ვართ. გვყავს ფეხბურთელები, რომლებიც საუკეთესო ფორმაში ამ ეტაპზე არ არიან.
შეკრებაზე 26 ფეხბურთელის წაყვანის გადაწყვეტილება მნიშვნელოვანი იყო. საქართველო აქამდე არასდროს ყოფილა ასეთ ტურნირზე. ვერ შევძლებდი შეკრებაზე 30 ფეხბურთელის წაყვანას და ტურნირამდე რამდენიმე დღით ადრე 4 მოთამაშისთვის ოცნების წართმევას. მართალია, კვერკველიას მცირე პრობლემები აქვს, თუმცა ის ინდივიდუალურად ემზადება და ტურნირისთვის მზად იქნება. გიორგი გველესიანი ბოლო პერიოდში შემოგვიერთდა, ჯერ არ უთამაშია, თუმცა მონტენეგროში თავის გამოჩენის საშუალება მიეცემა".
შეკრებაზე 26 ფეხბურთელის წაყვანის გადაწყვეტილება მნიშვნელოვანი იყო. საქართველო აქამდე არასდროს ყოფილა ასეთ ტურნირზე. ვერ შევძლებდი შეკრებაზე 30 ფეხბურთელის წაყვანას და ტურნირამდე რამდენიმე დღით ადრე 4 მოთამაშისთვის ოცნების წართმევას. მართალია, კვერკველიას მცირე პრობლემები აქვს, თუმცა ის ინდივიდუალურად ემზადება და ტურნირისთვის მზად იქნება. გიორგი გველესიანი ბოლო პერიოდში შემოგვიერთდა, ჯერ არ უთამაშია, თუმცა მონტენეგროში თავის გამოჩენის საშუალება მიეცემა".
ოთარ კიტეიშვილი (საქართველოს ნაკრების ფეხბურთელი): "ავსტრიის მოსამზადებელი ეტაპი ძალიან ნაყოფიერი გამოდგა. არ ვართ შეჩვეულები ეროვნულ ნაკრებში დიდ მოსამზადებელ პერიოდებს. ვფიქრობ, რომ ეს დრო მაქსიმალურად გამოვიყენეთ. კარგ ფორმაში ვართ და ვემზადებით მონტენეგროსთან ამხანაგური თამაშისთვის. ძალიან მნიშვნელოვანი მატჩი იქნება ჩვენთვის."
მონტენეგრო - საქართველო:
ამხანაგური მატჩი;
22:45, 9 ივნისი;
მონტენეგრო, პოდგორიცა;
მთავარი მსაჯი: ბაკარი გასამა.
საქართველოს ნაკრების სავარაუდო შემადგენლობა: მამარდაშვილი, კვერკველია, კაშია, დვალი, კაკაბაძე, შენგელია, ქოჩორაშვილი, კიტეიშვილი, კვარაცხელია, ჩაკვეტაძე, ზივზივაძე.
