![[პრევიუ] დორტმუნდი და პსჟ ამ სეზონში კვლავ ხვდებიან ერთმანეთს, ამჯერად 1/2 ფინალში](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2Ff4rUoBMqhLmKxA8y4midLvRCS1H3W5q2.webp&w=3840&q=75)
ვესტფალიელთა ნახევარფინალში ხილვა ბევრისთვის მოულოდნელობაა, თუმცა ამ გუნდმა საფეხბურთო სამყარო გააოცა ჯერ კიდევ მაშინ, როდესაც ე.წ. "სიკვდილის ჯგუფში" არ ჩაიკარგა პსჟ-ს, მილანისა და ნიუკასლის გვერდით. დიახ, "შავ-ყვითლები" ფრანგულ გუნდს ლიგის ერთ სეზონში უკვე მეორედ ხვდებიან.
პირველ ორრაუნდიან დაპირისპირებაში დომინირებდნენ პარიზელები, რომლებმაც ჯერ 2:0 იმარჯვეს სახლში, გასვლაზე კი ფრე, 1:1 დააფიქსირეს. ჯგუფური ეტაპის შემდეგ, სიგნალ იდუნა პარკის ბინადრებმა გადალახეს პსვ ეინდჰოვენისა და მადრიდის ატლეტიკოს ბარიერი, "ლურჯ-წითლებმა" კი - ბარსელონასა და სოსიედადის.
ედინ ტერზიჩი (დორტმუნდის მწვრთნელი): "ჩემპიონთა ლიგის ნახევარფინალის ოთხეულიდან დორტმუნდი ყველაზე გამოუცდელი გუნდია, თუმცა ამავდროულად, ყველაზე მოტივირებული. მოსაგებად ყველაფერს გავაკეთებთ. პარის სენ-ჟერმენს უკვე შევხვდით წელს და გარკვეული დასკვნები გამოვიტანეთ".
ლუის ენრიკე (პარის სენ-ჟერმენის მწვრთნელი): "დორტმუნდთან დაპირისპირებაში ფავორიტები ვართ? - ვინც ასე მიიჩნევთ, ფეხბურთის არაფერი გაგეგებათ. არ ღირს ნაადრევი დასკვნების გამოტანა, უბრალოდ თამაშით დატკბით. ჩემპიონთა ლიგის ფინალში გასვლას დარჩენილი ოთხეულიდან ყველა იმსახურებს, როგორც პარის სენ-ჟერმენი, ისე ბორუსიაც".
დორტმუნდი - პსჟ:
ჩემპიონთა ლიგის 1/2 ფინალი;
1 მაისი, 23:00 საათი;
დორტმუნდი, სიგნალ იდუნა პარკი;
მთავარი მსაჯი: ენტონი ტეილორი (ინგლისი).
