გიორგი მამარდაშვილს ინგლისურ ფეხბურთში კრიტიკოსები არ აკლია. ცოტა ხნის წინ, მის შესახებ ისაუბრეს შეი გივენმა და ბრედ ფრიდელმა - ორივე ვეტერანი გოლკიპერი თანხმდება იმაზე, რომ ქართველი კარის დარაჯი ლივერპულის ძირითადისთვის მზად არ არის.
"ჯერ კიდევ არ ვარ დარწმუნებული, რომ ალისონის შემდეგ, ლივერპულის მთავარი მეკარე მამარდაშვილი უნდა იყოს. კლუბის ხელმძღვანელების ადგილზე რომ ვიყო, მერსისაიდში კელეჰერს დავაბრუნებდი. მან დაამტკიცა ბრენტფორდში, რომ უმაღლესი კლასის გოლკიპერია", - განაცხადა გივენმა.
"ალისონმა დაიმსახურა ლივერპულის ძირითადში ყოფნა. ის უკვე წლებია, რაც მსოფლიოს ერთ-ერთი საუკეთესო მეკარეა და თუ მას ჯანმრთელობას შეუწყობს ხელს, ბეკერი ნ1 იქნება. თავის დროს მიიღებს მამარდაშვილიც, მაგრამ მხოლოდ კონკურენტის ტრავმის შემთხვევაში", - ეს კი ფრიდელის სიტყვებია.
