გიორგი ქოჩორაშვილი აგრძელებს ლისაბონის სპორტინგში ადგილის დამკვიდრებას, თუმცა მის გზაზე ახალი სირთულე წარმოიქმნა. აქამდე, ქართველი შუახაზელის კონკურენტები იყვნენ მორტენ იულმანი და ჰიდემასა მორიტა, მაგრამ ამ დუეტს ბოლი პერიოდიდან ჟოაუ სიმოეშიც შეემატა.
პორტუგალიელი ნახევარმცველი ითვლება "ლომების" ამომავალ ვარსკვლავად და მომავალ ლიდერად, როგორც გუნდში, ისე ნაკრებშიც. ალვალადეს ბინადრების შუახაზელმა პორტუგალიის ჩემპიონატის მიმდინარე სეზონში უკვე მოასწრო ერთი სრული შეხვედრის ჩატარება და ამის გარდა, ორი თამაში მან ჩემპიონთა ლიგაზეც ჩაატარა.
სპორტინგის მთავარი მწვრთნელი, რუი ბორჟესი აღფრთოვანებულია 18 წლის ნახევარმცველის უნივერსალიზმით, მოედნის ხედვითა და თამაშის თანამედროვე სტილით. როგორც ვხედავთ, საქართველოს ეროვნული გუნდის შუახაზელის გზა ლისაბონში გამოდგა იმაზე უფრო რთული, ვიდრე თავიდან ჩანდა.
