პორტუგალიის მწვრთნელი: "საქართველოდან 2 ფეხბურთელს გამოვარჩევდი, კვარა ქინქლაძეს ჰგავს"

"ჩვენი მიზანია ჯგუფში სამივე თამაში მოვიგოთ და ისე გავიდეთ შემდეგ ეტაპზე. საქართველოს ნაკრებს კარგი ფეხბურთელები ჰყავს, რომლებიც ინდივიდუალურად კარგად თამაშობენ.
გამოვარჩევდი ხვიჩა კვარაცხელიას, რომელიც გიორგი ქინქლაძეს სათამაშო სტილით ჰგავს, ასევე აღვნიშნავდი გიორგი მამარდაშვილის თამაშსაც.
კარგად მახსოვს, როგორ მაღალ დონეზე თამაშობდა გიორგი ქინქლაძე. ის თავისი წარმოუდგენელი მოქმედებებით დაცვის ხაზს არღვევდა, ასეა ახლა კვარაც", - განაცხადა მარტინესმა.
შეგახენებთ, რომ ევროპის ჩემპიონატის ჯგუფური ეტაპის ბოლო ტურის მატჩი პორტუგალიასა და საქართველოს შორის, 23:00 საათზე დაიწყება.







