ლეგენდარულმა ფრანგმა ფეხბურთელმა ტიერი ანრიმ 2026 წლის მსოფლიო ჩემპიონატზე პორტუგალიის ნაკრების შანსები შეაფასა.
"ჩემი აზრით, პორტუგალიის ნაკრებს მიმდინარე ჩემპიონატზე საუკეთესო ნახევარდაცვა ჰყავს, უფრო ძლიერი ვიდრე საფრანგეთს და ინგლისს. ვიტინია, ჟოაო ნევეში და ბრუნო ფერნანდეში - ეს ბევრ რამეზე მეტყველებს.
ჰყავთ კარგი მეკარე, კარგი დაცვა, ნახევარდაცვა და საუკეთესო ნაკრები, თუმცა ერთი რამ აკლიათ - თავდამსხმელი. პორტუგალის ნაკრებს ტოპ კლასის ფორვარდი არ ჰყავს. კრიშტიანოს 9 ნომრად ვერ მოვიაზრებ.
ამ პოზიციის სისუსტე ნიგერიასთან ამხანაგურ მატჩში ვნახეთ და ვფიქრობ, მიმდინარე მუნდიალზეც რამდენჯერმე გამოჩნდება.
წარმოიდგინეთ, ამ ახალგაზრდულ და ძლიერ ნახევარდაცვას წინ ახალგაზრდა ფორვარდი რომ ჰყავდეს, შეუჩერებლები იქნებოდნენ", - განაცხადა ანრიმ.
შეგახსენებთ, რომ მუნდიალის ჯგუფური ეტაპის პირველ მატჩს პორტუგალიის ნაკრები 17 ივნისს, კონგოს წინააღმდეგ ჩაატარებს.
