როგორც გავლენიანი იტალიური გამოცემა Sky Sports იუწყება, ვენეციამ შეთანხმებას მიაღწია ლეხ პოზნანის ახალგაზრდა შემტევთან, კორნელ ლისმანთან და საინტერესო სტატია გაავრცელა.
"ამ ფეხბურთელს თავის ქვეყანაში "პოლონელ კვარაცხელიას" ეძახიან და პოლონეთის ერთ-ერთი გამორჩეული ტალანტია. 2006 წელს დაბადებული ვინგერი მარჯვენა ფეხით თამაშობს, თუმცა ცაციასაც კარგად იყენებს და ლეხის აკადემიის აღზრდილია.
180 სანტიმეტრის სიმაღლის ფეხბურთელი თავის ასაკთან შედარებით ფიზიკურად კარგად არის მომზადებული, აქვს დრიბლინგი და ლეხის ძირითად გუნდსი 22 მატჩი ჩაატარა. ამ გუნდთან ერთად ის პოლონეთის ჩემპიონი გახდა და პოლონეთის ახალგაზრდულ ნაკრებშიც გამოიძახეს.
კორნელ ლისმანი ვენეციაში სამედიცინო შემოწმებას უახლოეს დღეებში გაივლის და კლუბი ტრანსფერს მალევე გააოფიციალურებს", - წერს გამოცემა.
მთავარი პრობლემა ის არის, რომ ლისმანს ბოლო დროს ტრავმის გამო ძალიან ბევრი გაუცდა და ვენეციაში ფორმაში ჩადგომა და ძალები აღდგენა მოუწევს.
