ლანსის ყოფილმა გარემარბმა, ჯიმი კაბომ გააკრიტიკა Globe Soccer Awards-ი, იმის გამო, რომ პოლ პოგბამ წლის საუკეთესო ქამბექის ჯილდო მოიგო. ფრანგმა ექს-ვინგერმა დაასახელა 2 მოთამაშე, რომელიც მისი აზრით, აღნიშნულ პრიზს მონაკოს ფლეიმეიქერზე მეტად იმსახურებდნენ.
"ბენტალები არის ფეხბურთელი, რომელმაც გადაიტანა გულის შეტევა, თუმცა რამდენიმე თვეში მან ლილის რიგებში გამარჯვების მომტანი ბურთი შეაგდო. იუდოლს კარიერის მანძილზე ჯვარედინი მყესები გაუწყდა 4-ჯერ, მაგრამ ის დაბრუნდა და ახლა ლანსის ძირითადში თამაშობს.
როდესაც ვსაუბრობთ ფეხბურთელის ქამბექზე, პირველები სწორედ ნაბილი და მატიე მახსენდებიან. პოგბა დისკვალიფიცირებული იყო დოპინგის მოხმარების გამო, მაგრამ ამის მიუხედავად, პრიზებს სწორედ ის იგებს."
რაც შეეხება ფრანგი ყოფილი გარემარბის მიერ დასახელებულ ფეხბურთელებს, ბენტალებმა გულის შეტევა გადაიტანა 2024 წლის ივნისში და კარიერის დასრულების წინაშე დადგა, მაგრამ 2025 წლის თებერვალში ის დაბრუნდა. იუდოლმა მეცში თამაშის დროს 2016-2021 წლებში ჯვარედინი მყესები მართლაც გაიწყვიტა 4-ჯერ და ჯამში 945 დღე ლაზარეთში გაატარა.
