მსოფლიო ჩემპიონატის 1/16 ფინალში გამართული მატჩი ბელგიისა და სენეგალის ნაკრებებს შორის, ბელგიელთა გამარჯვებით 3:2 დასრულდა.
მატჩის ძირითადი დრო ფრედ დასრულდა. დამატებითი დროის ბოლო წამებზე კი სენეგალის კარის მიმართულებით პენალტი დაინიშნა, რომელიც ტილემანსმა გამოიყენა და ბელგია შემდეგ ეტაპზე გაიყვანა.
"რატომ არ დავარტყი პენალტი მე? - თერთმეტმეტრიანის შეასრულებლად მე მივდიოდი, თუმცა გადავიფიქრე. მენტალურად რთული პერიოდი მიდგას და ინდივიდუალიზმზე მეტად მთავარი ნაკრების წარმატებაა, ამიტომ ვამჯობინე ტილემანსს დაერტყა.
ეს იყო გამარჯვება, რომელიც ყოველთვის გვემახსოვრება. განსაკუთრებით ლამაზი კი ეს გამარჯვება ჩვენი გულშემატკივრის თვალწინ გამოდგა", - განაცხადა ლუკაკუმ.
მოგეხსენებათ, შეცვლაზე შემოსულმა ლუკაკუმ სენგალის კარში პირველი გოლი გაიტანა და მისი გოლის შემდეგ დაიწყო ბელგიელთა საოცარი ქამბექი.
