ქართველ პარასპორტსმენის, ლუკა ლომაიას წარმატება პარასნოუბორდ კროსის დისციპლინაში. ჩილეში სამხრეთ ამერიკის კონტინენტური თასი მიმდინარეობს, სადაც ლომაიამ პარასნოუბორდ კროსის ტურნირზე ოქროს მედალი მოიპოვა.
აღნიშნული შეჯიბრება პარასნოუბორდში მსოფლიოს თასის, ასევე ზამთრის პარალიმპიური თამაშების წინა საკვალიფიკაციო ტურნირია. პარასპორტსმენმა ორივე ცდაზე საუკეთესო შედეგი აჩვენა და მსოფლიოს თასზე მონაწილეობის უფლება მოიპოვა.
