ყაზახეთის დედაქალაქ ასტანაში მიმდინარე მსოფლიოს ჩემპიონატის მეორე საშეჯიბრო დღეს ქართველებმა მეორე მორიგი მედალი მოიპოვეს. ოქროს მედალი საქართველოს რიოს პარალიმპიური თამაშების ჩემპიონმა, ზვიად გოგოჭურმა (- 95 კგ. კატეგორია J2) მოუტანა. ქართველმა ფინალში უზბეკი დავურხონ კარომატოვი დაამარცხა მსოფლიოს ჩემპიონობა კარიერაში მესამედ იზეიმა.
ასტანაში მიმდინარე მსოფლიოს ჩემპიონატზე საქართველოს დელეგაციის ანგარიშზე ამ დროისთვის 5 მედალია, ჩემპიონობა ზვიად გოგოჭურმა, გიორგი ქალდანმა (-70 კგ. კატეგორია J2) და საბა ბაღდავაძემ (- 81 კგ. კატეგორია J1) იზეიმეს. ბრინჯაოს მედლებს კი ზურაბ ზურაბიანი (- 64 კგ. კატეგორია J2) და ლაშა ყიზილაშვილი (-95 კგ. კატეგორია J2) დაეუფლნენ.
