იტალიური ფეხბურთისთვის მორიგი სკანდალური დღე გათენდა. პაოლო მალდინიმ და ლეონარდომ ტექნიკური პროექტი დატოვეს — მხარეებს შორის არსებული უთანხმოების შემდეგ ლეგენდარულმა ფეხბურთელმა თანამშრომლობის გაგრძელება აღარ ისურვა.
იტალიური მედიის ინფორმაციით, მთავარი დაპირისპირების მიზეზი მთავარი მწვრთნელის არჩევანი გახდა. მალდინი ანდრეა პირლოს კანდიდატურას აქტიურად უჭერდა მხარს და მიიჩნევდა, რომ ყოფილი თანაგუნდელი ეროვნული გუნდის გრძელვადიანი პროექტისთვის სწორი არჩევანი იყო, თუმცა ფედერაციის ხელმძღვანელობასთან შეთანხმება ვერ შედგა. პირლოს დანიშვნის იდეა საბოლოოდ ჩაიშალა, რის შემდეგაც კონფლიქტმა უფრო ფართო მასშტაბი მიიღო.
მალდინიმ თანამდებობა იმ პირობით ჩაიბარა, რომ სპორტულ გადაწყვეტილებებში მნიშვნელოვანი თავისუფლება ექნებოდა, თუმცა შექმნილი ვითარების შემდეგ მისი დარჩენა პრაქტიკულად შეუძლებელი გახდა. ახლა იტალიის ფეხბურთის ფედერაცია კვლავ მთავარი მწვრთნელის ძიებაშია, ხოლო მალდინისა და ლეონარდოს წასვლა კიდევ ერთხელ აჩვენებს, რამდენად რთულ პერიოდში იმყოფება "სკუადრა აძურა“.
