ეროვნული ლიგის 22-ე ტურის ორი შეხვედრა ცოტა ხნის წინ დასრულდა. ორივე მატჩი საკმაოდ დრამატული და უხვგოლიანი გამოდგა.
სპაერი საკუთარ მოედანზე წყალტუბოს სამგურალს დაუპირისპირდა და დაძაბულ ბრძოლაში 3:4 დამარცხდა. პირველივე წუთზე ანგარიში იმერლებმა გახსნეს.
კოხრეიძემ მე-11 წუთზე გაათანაბრა, პირველი ტაიმის მიწურულს კი სპაერმა კიდევ ორი გოლი გაიტანა და კომფორტული უპირატსობა მოიპოვა.
თითქოს, ყველაფერი მარტივად იყო, თუმცა სამგურალმა 52-ე წუთზე სხვაობა შეამცირა, 69-ე წუთზე გაათანაბრა, 70-ე წუთზე კი ირაკლი სირაძემ სამგურალის მაისურით გამარჯვების გოლი გაიტანა.
საინტერესო გამოდგა გორში გამართული მატჩი, სადაც გორის დილა 24-ე წუთზე კანტემ დააწინაურა, 77-ე წუთზე დილას უპირატესობა ორამდე გაიზარდა, მაგრამ ამით არაფერი დასრულებულა.
მსაჯის მეირ დამატებულ წუთებზე ტორპედომ ორი ბურთი გაიტანა, 91-ე წუთზე ანდრიჩმა, 96-ე წუთზე კი არაბიძემ ულამაზესი დარტყმით თავის გუნდს ქულა მოუტანა - 2:2.
