პარის სენ-ჟერმენის შემტევმა, უსმან დემბელემ მეორე ოქროს ბურთის შესაძლო მოგების შესახებ ისაუბრა. ვარსკვლავურმა ფეხბურთელმა აღნიშნა, გუნდური წარმატება მისთვის ინდივიდუალურზე მნიშვნელოვანია. ფრანგი ვინგერი მუნდიალსა და ევროპის მთავარ საკლუბო ტურნირზე ტრიუმფზე ფიქრობს.
"როდესაც ოქროს ბურთის მფლობელი ხდები ერთხელ, გინდა, რომ ეს მომავალში კიდევ არაერთხელ განმეორდეს. საოცარი გრძნობაა, თუმცა გუნდური წარმატება ჩემთვის უმნიშვნელოვანესია. მიზანი არის საფრანგეთთან ერთად მუნდიალზე ტრიუმფი და პარის სენ-ჟერმენთან, ევროპაში", - განაცხადა პსჟ-ს ვინგერმა.
შეგახსენებთ, რომ "ლურჯ-წითლების" ათიანი ოქროს ბურთის მფლობელი 2025 წელს გახდა. იმ შემთხვევაში, თუ "მამლები" იქნებიან მუნდიალის გამარჯვებულები, ლუის ენრიკეს შეგირდები კი ევროპის მთავარი საკლუბო ტურნირის, 29 წლის ვინგერის ბალონ დ'ორის მოგების შანსები მნიშვნელოვნად გაიზრდება.
