ოფიციალურად — შოთა არველაძე ქასიმფაშას მთავარი მწვრთნელია. თურქულმა კლუბმა 52 წლის სპეციალისტი სულ რამდენიმე წუთის წინ წარადგინა. მხარეებს შორის 1-წლიანი ხელშეკრულება გაფორმდა.
შეგახსენებთ, შოთა არველაძე ქასიმფაშას 2012-2015 წლებშიც წვრთნიდა.
ქართველი სპეციალისტი ბოლოს კარაგუმრუკში მუშაობდა, საიდანაც 2024 წლის მარტში წამოვიდა. მას შემდეგ, გამოცდილი ქართველი მწვრთნელი უგუნდოდ იყო. ქასიმფაშამ თურქეთის სუპერლიგის 2024/25 სეზონი 47 ქულით, მე-10 პოზიციაზე დაასრულა.
