UFC-ის ქართველი მებრძოლი რომან დოლიძე 19 სექტემბერს თბილისი არენა Hype Fighting-ის ივენთში მიიღებს მონაწილეობას.
ქართველი გრეპლინგში, Submission Only-ის წესებით იასპარეზებს. დოლიძის მეტოქე უზბეკი მახმუდ მურადოვი იქნება. 36 წლის მებრძოლის პროფესიონალური MMA-ის რეკორდი 30-8-0-ია. მურადოვი UFC-ის ყოფილი, OKTAGON MMA-ის მოქმედი მებრძოლია.
შეგახსენებთ, რომან დოლიძე წარმატებით ასპარეზობდა გრეპლინგში. ქართველი 2015 წელს მსოფლიოს ჩემპიონი გახდა.
აღსანიშნავია, რომ რომან დოლიძე სამშობლოში დიდ ოფიციალურ ივენთზე პირველად იასპარეზებს.
Hype Fighting-ის ღონისძიებაზე კიდევ 3 ქართველს ვიხილავთ, ვლადიმერ ხილჩეგაშვილი გრეპლინგში, Submission Only-ის წესებით, ბრიტანეთის სახელით მოასპარეზე მუჰამედ მოკაევს შეხვდება, ლევან ჩოხელი გრეპლინგში, Submission Only-ის წესებით, სომეხ ედუარდ ვარტანიანს, ლაშა მესხი კი შიშველი მუშტების ბრძოლაში უზბეკ დილშოდბეკ მადალიევს დაუპირისპირდება.
Hype Fighting-ის ივენთი თბილისი არენაზე 19 სექტემბერს 19:00 საათზე დაიწყება.
