გაუგებრობა პარალიმპიურ თამაშებზე. პარალიმპიური თამაშების ოფიციალურ ვებ-გვერდზე შეცვლილია პარამძლეოსანთა შედეგები, პარაბირთვის კვრაში (F53) გიგა ოჩხიკიძის შედეგი 9.66 მეტრი - გაუქმებულია და პირველ ადგილზე მაროკოელი განი აბდელილაჰია, მეორე ადგილზე ირანელი მოხტარ ჰეიმანია, მესამე პოზიციას კი პოლონელი ჟორცაკ ბარტოსი იკავებს.
როგორც LaGazzetta.ge-ს დაუდასტურეს მაროკოსა და ირანის წარმომადგენლებმა ქართველის ასპარეზობა გააპროტესტეს და ვიდეო განხილვის შედეგად, მსაჯებმა ოჩხიკიძის მხრიდან წესების დარღვევა დააფიქსირეს.
შეგახსენებთ, პარზში მიმდინარე პარალიმპიურ თამაშებზე გიგა ოჩხიკიძემ პარაბირთვის კვრაში (F53) 9.66 მეტრი დააფიქსირა, მსოფლიო რეკორდი დაამყარა და ჩემპიონი გახდა, თუმცა დაჯილდოების ცერემონია არ შემდგარა, ირანელთა და მოროკოელთა პროტესტი დაკმაყოფილდა და ქართველის შედეგი გაუქმდა.
Lagazzetta.ge აგრძელებს თემაზე მუშაობას და დამატებით ინფორმაციას შესაბამისი მხარეების ოფიციალური უკუკავშირის შემდეგ მოგაწვდით.
