იხილეთ დავით ხოჭოლავას ოფიციალური განცხადება:
"ეს იყო რთული, მაგრამ გარდაუვალი გადაწყვეტილება. მაქსიმალურად ვეცადე და უთვალავი საათი გავატარე უკან დაბრუნებისთვის, მაგრამ უნდა შევეგუო იმ ფაქტს, რომ უკან დაბრუნება გამორიცხულია. ძნელია, მაგრამ ჯანმრთელობა პირველ რიგში ყველაზე მნიშვნელოვანია.
ფანტასტიკური დრო გავატარე კოპენჰაგენში, დიდი გამოცდილება მივიღე მოედანზე და ჩამოვაყალიბე ძლიერი კავშირი კლუბთან, ქალაქთან და განსაკუთრებით, გულშემატკივრებთან. ეს ყველაფერი საშინლად მომენატრება, მაგრამ არასდროს დამავიწყდება ის მხარდაჭერა, რომელიც აქ მივიღეთ მე და ჩემმა ოჯახმა - განსაკუთრებით უკრაინაზე თავდასხმის შემდეგ, ყველაზე რთულ პერიოდში, როცა დიდი სიყვარული და მხარდაჭერა ვიგრძენით. მე ყოველთვის მადლობელი ვიქნები ამისთვის.
ფანტასტიკური დრო გავატარე კოპენჰაგენში, დიდი გამოცდილება მივიღე მოედანზე და ჩამოვაყალიბე ძლიერი კავშირი კლუბთან, ქალაქთან და განსაკუთრებით, გულშემატკივრებთან. ეს ყველაფერი საშინლად მომენატრება, მაგრამ არასდროს დამავიწყდება ის მხარდაჭერა, რომელიც აქ მივიღეთ მე და ჩემმა ოჯახმა - განსაკუთრებით უკრაინაზე თავდასხმის შემდეგ, ყველაზე რთულ პერიოდში, როცა დიდი სიყვარული და მხარდაჭერა ვიგრძენით. მე ყოველთვის მადლობელი ვიქნები ამისთვის.
ახლა ჩემს ოჯახთან ერთად უნდა გავარკვიო, რას გავაკეთებ მომავალში. მომენატრება ფეხბურთი და ცხოვრება, რომელიც მის გარშემოა, მაგრამ კარიერის დასრულება ასევე, ხსნის კარს, რომ შევისწავლო ცხოვრების სხვა მხარეები ჩემს ოჯახთან და მეგობრებთან ერთად.
მინდა მადლობა გადავუხადო კოპენჰაგენს ჩემს კარიერაში საუკეთესო წლებისთვის. ტრავმების მიუხედავად, ჩემი აქ გატარებული დრო ნამდვილად კარგი იყო როგორც ჩემთვის, ასევე ჩემი ოჯახისთვის. დიდი მადლობა უნდა გადაგიხადოთ კლუბის ყველა წევრს, თქვენ ჩემი ოჯახი ხართ. დღეიდან მე ვარ კოპენჰაგენის ამაყი გულშემატკივარი."
ფეხბურთელმა კარიერის განმავლობაში 232 ოფიციალური შეხვედრა ჩაატარა, რა დროშიც 10 გოლის გატანა მოახერხა და 5 საგოლე გადაცემაც შეასრულა. დავითმა 14-წლიანი კარიერის განმავლობაში, 3-ჯერ უკრაინის, 2-ჯერ დანიისა და 2-ჯერ საქართველოს ჩემპიონი გახდა. ამასთან ერთად, ქართველმა ფეხბურთელმა არაერთხელ მოიგო უკრაინის, დანიისა და საქართველოს თასიც.
ხოჭოლავამ საქართველოს ეროვნული ნაკრების მაისურით, 39 შეხვედრაში მიიღო მონაწილეობა.
