საქართველოს ასაკობრივი ნაკრების და თბილისის დინამოს შემტევი, ვახტანგ სალია მომდევნო სეზონს ნიუკასლში დაიწყებს. 17 წლის ქართველი შემტევი კლუბს ესტუმრა და ინტერვიუ მისცა.
მადლობა, მე ყველგან ვიყავი, მათ შორის პირველი გუნდის ბაზაზე, აკადემიაში, სტადიონზე და ეს ყველაფერი საოცარია.
არაერთი ევროპული ტოპ კლუბი ცდილობდა შენს დამატებას. რა იყო მთავარი მიზეზი იმის, რომ ნიუკასლი აირჩიე?
აქ თამაშზე მამაჩემმა და აგენტმა დამარწმუნეს, რადგან ნიუკასლში ორ ქართველ ფეხბურთელს უთამაშია და გარდა ამისა, კლუბს ისტორია აქვს. სწორედ ეს იყო ჩემი გადაწყვეტილების მთავარი მიზეზი.
თემურ ქეცბაია ცნობილია ქართველი ფეხბურთელია, რომელსაც ნიუკასლში აქვს ნათამაშები 90-იან წლებში. მოგცა რჩევები კლუბის და მოლოდინების შესახებ?
მე მას არასდროს შევხვედრივარ და იმედი მაქვს, რომ ეს მალე მოხდება.
როგორი რეაქცია გქონდა როდესაც გაიგე, რომ შენით ნიუკასლი დაინტერესდა?
ეს ჩემთვის დიდი სიახლე იყო და თავიდან ვერც ვიჯერებდი.
შენ უკვე ნახე სენტ ჯეიმს პარკი და რას ფიქრობდი მოედანზე ყოფნისას, როდესაც გაანალიზე, რომ მომდევნო წლებში აქ უნდა ითამაშო?
საოცარი გრძნობა იყო — აქ თამაში ჩემი ოცნებაა და ვფიქრობ, რომ ამაზე ყველა ფეხბურთელი ოცნებობს.
წარმოიდგენ შენს პირველ გოლს ნიუკასლში?
დიახ, მამაჩემმაც მკითხა თუ რომელ კუთხეში ვგეგმავ პირველი გოლის გატანას. ეს საოცარი გრძნობაა.
ერთ-ერთი ყველაზე დიდი ქართველი ტალანტი ხარ, მაგრამ შესაძლოა ზოგი ჯერ არ გიცნობდეს. შეგიძლია მოგვიყვე შენი სათამაშო პოზიციის შესახებ?
არ ვთვლი, რომ მხოლოდ ერთი პოზიციის ფეხბურთელი ვარ — მე სამ პოზიციაზე შემიძლია თამაში და ამას მოედანზე დავამტკიცებ.
16 წლის იყავი, როდესაც საქართველოს 21 წლამდელთა ნაკრებში შენი დებიუტი შედგა. არის თუ არა შენი მთავარი მიზანი წელს გასამართ ევროპის 21 წლამდელთა ჩემპიონატზე მონაწილეობა?
ჩემი ერთ-ერთი ოცნებაა ევროპის 21 წლამდელთა ჩემპიონატზე თამაში და იმედი მაქვს, რომ ეს ოცნებაც ამიხდება.
საქართველოს ეროვნულმა ნაკრებმა ევროპის ჩემპიონატზე წარმატებით იასპარეზა, მომდევნო ტურნირს კი დიდი ბრიტანეთი უმასპინძლებს. გაქვს იმედი, რომ მთავარი ნაკრების წევრი გახდები?
ეს იმედი არ არის, ეს ჩემი ოცნებაა და დარწმუნებული ვარ, რომ 3 წელში თუ არა, მომავალში აუცილებლად შედგება ჩემი დებიუტი ეროვნულ ნაკრებში.
თავდაჯერებული ჩანხარ და ვფიქრობ, ამის გაკეთება შეგიძლია.
დიახ, ნამდვილად შემიძლია ამის გაკეთება.
18 წლამდე თბილისის დინამოში იქნები და კონცენტრაციაში ხომ არ შეგიშლის ის ფაქტი, რომ უკვე ნიუკასლის წევრი ხარ?
ბევრი უნდა ვიმუშაო და ვივარჯიშო სანამ სათამაშოდ აქ გადმოვალ. ვიცი, რომ რთულია და ბევრი ვარჯიში იქნება საჭირო.
რას ეტყოდი ნიუკასლის ფანებს, რომლებიც ახლა ამ ვიდეოს უყურებენ?
შემიძლია გითხრათ, რომ მენდეთ, რადგან სანამ აქ გადმოვალ, ორმაგად ვიმუშავებ საკუთარ თავზე.
