3 მედალი მოიპოვეს ქართველებმა პარაფარიკაობის მსოფლიოს თასზე ხმლით ინდივიდუალურ ასპარეზობაში. ინდონეზიაში მიმდინარე შეჯიბრებაზე A კატეგორიაში ქართული ფინალი შედგა. ერთმანეთს ნინა თიბილაშვილი და გვანცა ზადიშვილი შეხვდნენ. ჩემპიონობა ნინა თიბილაშვილმა იზეიმა, ვიცე-ჩემპიონი კი გვანცა ზადიშვილი გახდა. შეხვედრა ანგარიშით 15:10 დასრულდა.
B კატეგორიის ფინალში იასპარეზა ირმა ხეცურიანმა, სადაც ჰონკონგელ ტონგთან ანგარიშით 15:9 წააგო და ვერცხლის მედალი მოიპოვა.
ხვალ ხმლით ასპარეზობაში გუნდური შეჯიბრება ჩატარდება.
შეგახსენებთ, აღნიშნულ ტურნირზე ირმა ხეცურიანმა და ნინა თიბილაშვილმა რაპირით ასპარეზობაში, ბრინჯაოს მედლები მოიპოვეს.
