გუშინ ღამით NBA-ის პლეი-ოფის 1/4 ფინალური ეტაპის კიდევ ორი მატჩი გაიმართა, სადაც მაყურებელმა ნიუ იორკ ნიქსი vs ფილადელფია სიქსერსისა და სან ანტონიო სპურსი vs მინესოტა ტიმბერვულვზის დაპირისპირებები იხილა.
ნიუ იორკ ნიქსმა სერიაში უპირატესობა ორამდე გაზარდა და ფილადელფია სიქსერსი კიდევ ერთხელ დაამარცხა, 108-102. მატჩის MVP ჯალენ ბრანსონი გახდა, რომელმაც 26 ქულა ჩააგდო, 1 მოხსნა შეასრულა და 6 პასიც მიითვალა. ფილადელფიას ტაირეზ მექსმა ულიდერა, რომლის ანგარიშზეც 26 ქულა, 3 მოხსნა და 6 პასი იყო.
სერიის მესამე მატჩი უკვე ფილადელფიაში გაიმართება, კერძოდ 9 მაისს, თბილისის დროით 03:00 საათზე.
ნიუ იორკ ნიქსი vs ფილადელფია სიქსერსის მატჩის მიმოხილვა
1/4 ფინალური ეტაპის კიდევ ერთი მატჩი სან ანტონიოში გაიმართა, სადაც სპურსმა მძიმე ბრძოლაში მინესოტა ტიმბერვულვზი დაამარცხა და სერიაში ანგარიში გაათანაბრა. Frost Bank Center-ში შეკრებილმა მაყურებელმა საკმაოდ სანახაობრივი დაპირისპირება იხილა, სადაც საბოლოო ანგარიში 133-95 დაფიქსირდა.
სან ანტონიოს სტეფან ქასთლიმ ულიდერა, რომლის ანგარიშზეც 21 ქულა, 4 მოხსნა და 4 პასი იყო.
სერიის მესამე მატჩი მინესოტაში გაიმართება - შეხვედრა 9 მაისს, თბილისის დროით 05:30 საათზე დაიწყება.
სან ანტონიო სპურსი - მინესოტა ტიმბერვულვზის მატჩის მიმოხილვა
